மொத்தப் பக்கக்காட்சிகள்

புதன், 30 செப்டம்பர், 2015

புதுக்கவிதைப்போட்டி  (பிரிவு 4)

பண்பாடு "பண் "பாடு 

நனி நாகரிகமென நழுவவிட்டுவிட்டோம்
நல்லதொரு பண்பாட்டை !



பொருளின் பின்னால் ஓடி
இருளில்  மாட்டிக்கொண்டோம் !
இளம் சமூகம் உணர மறுக்கிறது
இருதயமில்லா மிருகங்களாய்
இயங்குகிறோம் என்பதை!

பஃறுளி ஆறு பாய்ந்தோடிய
பண்பட்ட சமூகத்தை நோக்கி
படை திரட்டுவோம் வாரீர் !


முன்னேறிய உலகின்
விண்ணேறி  பாயும்  ஏவுகணையுடன்
தன்னேரில்லாத் தனித்தமிழனின்
பண்பாட்டை பறை சாற்றுவோம் வாரீர் !

யாதும் ஊரென்று முழங்கிய
பாரெல்லாம் வியந்திட விருந்தோம்பிய
வீரத் தமிழனை; ஈர நெஞ்சத்தனை
தோண்டி எடுத்திட தொடை தட்டி வாரீர்!

பாட்டி சொன்ன கதைகளை மறந்து !
வீட்டு முற்றத்து வண்ணக் கோலங்களை மறந்து !
வாசல் தோறும்  வாசம் செய்த சாணம் மறந்து !
பாட்டன் புகட்டிய அருமருந்துகளை மறந்து !
எட்டடுக்கு மாடிகளில் எதுவும் தெரியாத
விட்டில் பூச்சிகளாய் இருந்தது போதும் !
 பருந்தாய்  சிறகை விரி !
சிறுத்தையாய் சீறிப் பாய் !

உட்கார நேரமில்லை !
உலகம் காத்திருக்கிறது உனக்காக !

கன்னித் தமிழாள் இன்று
கணினித் தமிழாளாக  வளர்ந்தோங்கிவிட்டாள் !
வீண் பிதற்றல்களை வீசி எறிந்துவிட்டு
வீறு நடைபோடு !
எட்டுத்திக்கும் எடுத்துப்போக வேண்டும் !
 நம் தாத்தன் விட்டுச் சென்ற
பண்பாட்டை "பண் " பாட !!!!!!!!!



உறுதிமொழி:

இது எனது சொந்தப் படைப்பு என்று உறுதிகூறுகிறேன்.

மேற்கண்ட படைப்பு வலைப்பதிவர் திருவிழா - 2015” மற்றும் தமிழ் இணையக் கல்விக்கழகம் நடத்தும் மின்தமிழ் இலக்கியப் போட்டிகள் -2015” க்காகவே எழுதப்பட்டது. இதற்கு முன் வெளியான படைப்பன்றுமுடிவு வெளிவரும் வரை வேறு இதழ் எதிலும் வெளிவராது என்றும் உறுதிகூறுகிறேன்.
}

த. ரேவதி 





12 கருத்துகள்:

  1. நன்றி...

    நம் தளத்தில் இணைத்தாகி விட்டது...

    இணைப்பு : http://bloggersmeet2015.blogspot.com/p/contest-articles.html

    புதுக்கோட்டை விழாக்குழுவின் சார்பாக...
    அன்புடன் திண்டுக்கல் தனபாலன்
    http://dindiguldhanabalan.blogspot.com

    பதிலளிநீக்கு
  2. அட சூப்பரா இருக்கேடா..வாழ்த்துகள் போட்டியில் வெற்றி பெற..

    பதிலளிநீக்கு
  3. கிடைத்தநேரத்தையும் நேர்த்தியாக பயன்படுத்தி ......ம்,ம் அருமையா
    இருக்குடா.வெற்றிபெற வாழ்த்துக்கள்.

    பதிலளிநீக்கு
  4. கன்னித் தமிழாள் இன்று
    கணினித் தமிழாளாக வளர்ந்தோங்கிவிட்டாள் !

    nice

    பதிலளிநீக்கு
  5. அழகான அருமையான கவிதை!
    வாழ்த்துக்கள்! நன்றி!!

    பதிலளிநீக்கு